Шерғозихон мадрасаси — XVIII асрнинг биринчи ярми. Бу мадраса Хоразмдаги ўқув муассасалари орасида энг кўҳнасидир. Уни Хива хони Шерғозихон 1719 йили Машҳадга муваффақиятли сафар қилгандан сўнг ана шу ғолибона сафар шарафига қурдирган. Мадраса биноси бизнинг давримизгача асл ҳолича тўла етиб келмаган. Йиллар мобайнида нураб, яроқсиз ҳолга келиб қолган. Мазкур мадраса ўз даврида йирик билим ўчоғи бўлиб, унда кўплаб толиби илмлар таҳсил олганлар. Жумладан, туркман халқининг мутасаввиф шоири Махтумқули ҳам мана шу билим даргоҳида таълим олган.