O‘zbekiston xalq artisti, taniqli hofiz, bastakor va o‘zbek xalq musiqasi tuzuvchisi Yunus Rajabiy uy-muzeyi 1997 yilda o‘g‘li Xasan Rajabiy tomonidan tashkil qilingan. Xalq ardoqlagan hofiz umrining oxirgi 20 yilini aynan shu yerda o‘tkazgan. U butun umrini Shoshmaqomni o‘rganishga bag‘ishlagan. O‘zbek klassik xalq musiqiy-cholg‘u asari "Shoshmaqom" - 6 bo‘limdan iborat bo‘lib, bular: Buzruk, Navo, Dugoh, Segoh, Rost, Iroq.