O'zbekistonda Yosh ijodkorlar saroyi 2008 yilda bunyod etilgan. U "Yoshlar yili" davlat dasturi ijrosini ta'minlash maqsadida O'zbekiston Respublikasi Prezidenti Islom Karimov tashabbusi bilan noyob arxitektura komplekslarini o'zida mujassamlashtirgan holda barpo etildi. Bu yerda ko'rgazmalar uchun uchta zal, hamda turli ko'rinishdagi san'at mashg'ulotlarini olib borish uchun ustaxona va laboratoriya xonalari mavjud. Ushbu saroyda seminar va konferensiyalarni o'tkazish uchun katta zal ham mavjud. Zamonaviy Saroy turli xildagi tadbirlarni o'tkazish uchun yangi texnologiyalarga ega. Saroyni bunyod etishdan asosiy maqsad — san'atni keng targ'ib etish, o'zbek xalqining bebaho madaniyati va san'atining ahamiyatini yanada oshirish. Bu yerda iqtidorli yoshlarning yaratgan san'at asarlari ko'rgazmalari o'tkaziladi.