Сомон апликацияси кўплаб дунё мамлакатларида 17-асрнинг иккинчи ярми ва 18-аср бошларидан амалий – декоратив санъат тури сифатида ривожланиб, машҳур бўлган. Сомон апликацияси бир пайтлар сарой ички қисмини безаш учун ишлатилган бўлиб, ҳақиқий санъат асари сифатида тан олинган. Сомон нақшлари билан безатилган мебел, қутича, тамакидонлар бадавлат фуқароларнинг мулки бўлиб хизмат қилган.

Бугунги кунда замонавий сомон апликацияси замонавий инсон назари ва дунёқарашлари билан ҳамоҳанг янги мавзу ва техникалар билан бойитилиб келмоқда.