Сирли масжиди

  • Объект яратилган сана: 20 аср
  • Ҳудуд: Наманган вилояти
  • Категория: Ёдгорликлар
  • 15 Июнь, 2017
  •   0
  • 0
  • 6194

Сирли масжиди (нақшинкор, зарҳалланган, аъло деб таржима қилинади) XX асрнинг бошларида қурилган. Масжид қаршисида ҳовуз қурилган, ҳовлининг ичида, серсоя ва ёши улуғ чинорлар остида бино кўринади. У ассиметрик ва тўғри бурчакли икки устунли залдан ҳамда икки тарафлама айвондан ташкил топган. Асосий қисми 7 бўшлиқли шийпондан қурилган. Залда ва айвонда найзасимон меҳроблар қурилган. Айвон меҳроби устидаги ҳовузни қопловчи оҳактошли гумбази жуда гўзал. Зал интерьери безатилмаган, лекин айвон шифти катта, серҳашам ёзувлар билан зийнатланган, ёғоч устунлар оҳактош капителилар ва ости шаклдор таянч билан безатилган. Деворларнинг юқориси кенг геометрик нақш билан ҳошияланган. Айвоннинг ажойиб нақшлари — бу тождаги олмоздир. Бу ердан чиқар экансиз, меъморлар ва безак усталарининг моҳирона ишига тан бериб, ҳайрат хисси билан чиқиб кетасиз.


Манба: Ризо Ахмад