Кўн аркаси қалъаси  — Хива хонларининг қўрғони ҳисобланган. Унинг барпо этилиши 1686-1688 йилларга бориб тақалади. XVIII асрларнинг охирида Кўн-Аркаси Ичан қалъадан баланд девори билан алоҳида ажралиб турган. Бир замонлар бу қўрғон хонлар девонхонаси саналиб, қабулхона, ҳарамхона, қишки ва ёзги масжидлар, отхона, омборхона ва устахоналари ва ҳ.к. бўлган. Бу Кўн аркаси  XIX аср бошларида қайта таъмирланган. Бугунги кунда бу қалъадан бир қанча қўрғонлар қолган: шарқий дарвоза қўриқчилари хонаси, Оқ шайх Бобо қалъаси, кўринишхонаси, ёзги ва қишки масжидлар ва ҳарамхона сақланиб қолган.