Ғафур Ғулом уй-музейи 1944-1966 йилларда шоир ўзи яшаб, ижод қилган 2 қаватли уйда жойлашган. У адабий экспозиция ва мемориал мажмуани ўз ичига олган. Махсус стендларда ижодкорнинг таржималари ва академик соҳадаги фаолияти намуналари намойиш этилган. Музейнинг учинчи залидан халқнинг Ғофур Ғуломга бўлган муҳаббати, ҳурматини намоён этадиган экспонатлар ўрин эгаллаган. Ғофур Ғулом шарафига, метро бекати, катта адабий нашриёт, Қўқондаги ўлкашунослик музейи ҳам номланган. Шунингдек бу ерда шоирнинг 90 ва 95-йиллик юбилейларининг нишонланганига оид хужжатлар ҳам мавжуд.